&nbsp;Lubhalwe nguCelani SikhakhaneUbuholi bakaKhongolose eKing Sabatha Dalindyebo e-Eastern Cape bunikele ngenqwaba yezipho nenkomo kuKumkani wabaThembu uBuyelekhaya Dalindyebo njengoba ehlele idili likaMkhipheni lokwamukela indodana yakhe ebiyosokwa entabeni.Abaholi baseKSD Sub Region baqale ukutheleka eBumbane Great Palace ngoLwesithathu kumlenze wokuqala wokwamukela uMntwana Sinethemba Dalindyebo otheleke esigodlweni khona ngoLwesithathu ekuseni ebuya entabeni ukuyokwenza usiko lokusoka olubizwa ngoLwaluko. Kulo mcimbi wangoLwesithathu oyisigaba sokuqala ubizwa ngokuthi uMojiso nalapho kuhlatshwe khona izinkomo ezimbili.NgoLwesithathu ubuholi baseKSD bufike nenqwaba yezipho okubalwa notshwala nobuyingxenye yezipho zokuphekisa ezihanjiswa ebukhosini uma kunedili.Kuthe ngoLwesine babuya sebelethe inkomo eyamukelwe uNdlunkulu weKumkani okunguNokwanda Dalindyebo nabomndeni.Okhulumela abaThembu, iNkosi uThanduxolo Mtirara uthe iKumkani kuyayijabulisa ukuthi i-ANC iyabajabulisa."IKumkani neKumkanikazi ithi manginitshele ukuthi lento eniyenzayo ibanikeza ithemba. Nakuba ngingeke nginabe kakhulu kodwa siyabonga ngenikwenzile njengobuholi baseKSD Sub Region," kusho uMtirara.Ubudlelwano be-ANC eKSD neKumkani yabaThembu bebumuncu ezinyangeni ezedlule ngenxa yokungaboni ngasolinye ngemigulukudu ebiqhwaga abantu izimali zabo nebiholwa uMnuz Sakie Mareke nobezibiza ngeNkosi endaweni yeKumkani.Kwabanokucasuka ngezigameko zokuqhwaga abantu imali kwavalwa nezikole nokwenza iKumkani yagcina isisola abanye abaholi be-ANC ukuthi babeyingxenye yemigulukudu.USihlalo kaKhongolose e-Eastern Cape uMnuz Oscar Mabuyane waze wasabisa ngokumangalela iKumkani ngoba ethi imsola ngobugebengu angabazi. Ngemuva kwalokho wahamba wayoxolisa kuyo iKumkani, bathelelana amanzi.

False

I-ANC ilungise ubudlelwano bayo neKumkani inikela ngenkomo emcimbini wokwamukela indodana ezongena esihlalweni

&nbsp;Lubhalwe nguZukile MajovaAmaphoyisa asemise yonke into ezimayini zase-Stilfontein ngokuvimba ozamazama ukuphuma negolide labo, okushiya izinkulungwane zemindeni ibheke kuKhisimusi ngaphandle kwemali.● Bangaphezu kuka-1,400 ozamazama abaphoqeleke ukuba baphume ezimayini ezingasebenzi ngenxa yendlala kanye nokoma. ● Amaphoyisa avimba imizamo yokuphuma negolide ngaphandle, okuthinta imindeni encike emalini yasezimayini ezingekho emthethweni.Kubukeka sengathi umkhankaso wamaphoyisa obizwa nge-Operation Valumgodi wokulwa nezimayini ezingekho emthethweni uvala umthombo wokuphila emindenini eminingi eNingizimu Afrika nasemazweni angomakhelwane.Izinkulungwane zemindeni ethembele emalini yezimayini ezingekho emthethweni izoba noKhisimusi ongemuhle kulo nyaka njengoba amaphoyisa enqaba ukuthi ozamazama baphume negolide labo e-Stilfontein, e-North West.I-Operation Valumgodi yamaphoyisa ivimbele inqwaba yegolide ukuba lingaphumi ngaphansi komhlaba emigodini weshumi nowesi-11. Amaphoyisa aqapha ubusuku nemini ukuze avimbe ozama zama, ekutheni baphume negolide labo ukuze balithengise ezimakethe ezingekho emthethweni.Amaphoyisa abambe abanye ozamazama negolide ngesikhathi somkhankaso iValumgodi, kanti abanye bazame ukunyonyoba ebusuku bafica amaphoyisa ebalindile ngaphezulu.Lo mkhankaso uthinta kakhulu imindeni, hhayi nje emphakathini wendawo kodwa nase-Eastern Cape, e-Lesotho kanye nase-Mozambique. Abantu abaningi benza imali ngokudayisela ozamazama ukudla, iziphuzo nemithi.Laba bahlinzeki bagcina amarekhodi alokho abakudayisela ozamazama, ngethemba lokuthola izinkokhelo ezinkulu nyanga zonke noma njalo ezinyangeni ezintathu. Bavame ukukhokhisa ozamazama imali engaphezu kokuphindwe kabili kunentengo yezitolo zokudla.Ngaphansi komhlaba, ozamazama basebenza izinsuku eziningi bethenga ukudla kubaphathi babo besebenzisa igolide. Abanye bathi bebelindele imali enkulu ngemuva kokusebenza ngaphansi komhlaba izinyanga eziyisithupha kuya eminyakeni emibili ngaphandle kokuphumela phezulu.Kodwa imali yabo kaKhisimusi ibambekile ngaphansi komhlaba njengoba amaphoyisa eqhubeka nokuqapha amahora angu-24 ezimayini.Indlala nokoma sekuphoqe ozamazama abangaphezu kuka-1,400 ukuthi baphumele ngaphandle phezulu ezimayini ezingasasebenzi kuze kube manje.Ithimba lomphakathi lizoya eNkantolo eNkulu yasePitoli ngoLwesihlanu ukuyozama ukuphoqa uhulumeni ukunikeza ukudla namanzi ozamazama abasengaphansi komhlaba.Esithombeni esingenhla: Imayini yase-Stilfontein.Umthombo: Ifayela

UKhisimusi omuncu emndenini yozamazama base-Stilfontein

&nbsp;UCelani Sikhakhane ukulethela ezakamuva ezinohlonze ezivela KwaZulu-Natal.EMajuba– IKomidi lesigungu esiphezulu se-IFP lixoshe imeya yalo, uMntwana uNdabuko Zulu kumasipala wesifunda iMajuba. Esitatimendeni esikhishwe ngoLwesine ntambama iqembu lithe uNdabuka ucelwe ukuthi ehle esikhundleni ngokushesha. I-IFP ithe lesi sinqumo sithathwe ngokuhlanganyela isifunda saseMajuba esibhekelele i-Newcastle, i-Dannhauser nowaseMadlangeni omasipala abasenyakatho neKZN.“I-IFP idlulisa ukubonga kuMntwana uNdabuko Zulu ngokuzinikela nangomsebenzi wakhe kanye nobuholi ngesikhathi ephethe. IPhini leMeya uThembelihle Mthembu nguyena ozoba ibamba likasodolobha okwesikhashana kuze kube kuphinde kukhethwa kabusha. Amakomidi afanele eqembu azokwengamela uhlelo lokuvala isikhala sobumeya, "kusho isitatimende.Ugu– I-ANC isebenzise idili likaKhisimusi lezalukazi esifundeni iTolomane Mnyayiza e-Port Shepstone ukubungaza ukunqoba kwayo okhethweni lokuchibiyela kuWadi 2 eMgungundlovu ngaphansi kukamasipala waseMsunduzi. Esitatimendeni iqembu lithe ukunqoba kwe-ANC kubungazwa enkundleni yezemidlalo yakwaMpisane eqhele ngamakhilomitha angu-200km namabhokisi okuvota avale isiphetho samanye amaqembu ezepolitiki. “Injabulo igcwele isifunda sonke saseTolomane Mnyayiza. Isidlo sasemini sikaKhisimusi sabantu abadala kube umgubho ongeke ulibaleke wokubuyiselwa komlando we-ANC, "kusho uSihlalo wesifundazwe uSiboniso Duma. Ubuholi besifunda bebugcwele injabulo kanye nogogo ababungaze ukunqoba okhethweni lokuchibiyela kabili iqembu lihlula iMKP ne-IFP.EMoses Mabhida – Unobhala jikelele weqembu loMkhonto Wesizwe, uFloyd Shivambu uxolisile kumalungu eqembu adumele ngemuva kokuthi iMK ihlulekile ukubahlinzeka ngezithuthi zokuhamba ukuhambela umcimbi wokugubha unyaka yasungulwa eMoses Mabhida Stadium, eThekwini ngeSonto. UShivambu uthe abantu basesifundeni iHarry Gwala e-Kokstad, eZululand, eMkhanyakude, eMajuba, naseMgungundlovu abakwazanga ukuthola izithuthi zokuhamba eziya eMoses Mabhida ngenxa yezinselelo zokucekela phansi ezithinte iqembu. Khonamanjalo, umholi weMK uMnuz Jacob Zuma uhlangane namakhosi asola iPhini likaNobhala Jikelele uNkk Nombuso Mkhize ngokubavimba nokubaphatha njengeziboshwa ngosuku lokugubha usuku lokuzalwa lweqembu.Esithombeni esingenhla: UMntwana uNdabuko Zulu uxoshwe esikhundleni sokuba yiMeya ye-IFP esifundeni saseMajuba e-Newcastle – ubonakala lapha nendodakazi endala kaMntwana uMangosuthu Buthelezi ongasekho, iNdlovukazi uPhumzile.Umthombo: Celani Sikhakhane

Ezifingqiwe zase-KZN: Ukudideka i-IFP ixosha umntwana uZulu esikhundleni sobumeya

&nbsp;Lubhalwe nguCelani SikhakhaneUMengameli we-IFP uMnuz Velenkosini Hlabisa uxwayise intsha ukuthi uma iqhubeka nokucwila etshwaleni iyophaphama izwe seliphethwe abokufika kuleli.UHlabisa ukusho lokhu ekhuluma namalungu e-IFPYB abengaphandle eNkosi Albert Luthuli International Convention Centre nokuyilapho obekunengqungquthela yalolu phiko ngoLwesibili.UHlabisa uthe kuhle intsha iqinise esikoleni ukuze izilungiselele ukuba abaholi nabaphathi bezwe bakusasa, nabazofukula umnotho waseNingizimu Afrika."Utshwala abubuyiseli, ngakho ngiyanicela ukuba nigxile esikoleni ngoba imfundo ivula yonke iminyango. Uyabona ngakithi kunobaba onebhizinisi likatshwala kodwa akubulokothi nhlobo. Akabuphuzi ngoba uyazi ukuthi uma engabuqala ibhizinisi lakhe lingawa. Okunye uma sibanentsha eyizidakwa, kuyovele kuthi ngelinye ilanga izwe lithathwe abokufika kuleli abangaphuzi," kusho uHlabisa.Kule ngqungquthela ye-IFPYB kubonakale okokuqala abaholi bayo becula izingoma eziqhakambisa uHlabisa njengoMengameli ngemuva kokuthi isikhathi esiningi bebeqhakambisa uMntwana wakwaPhindangene ekubeni esekhotheme.Kuthiwa bebengafuni ngisho ukugqoka izikibha ezinobuso bukaHlabisa. Lokhu kwenze abahlaziyi bezombusazwe babaphendula ihlaya ukuthi lolu phiko luhambe lukhankasa ngomuntu osakhothama, lucela ngaye amavoti ekubeni ekhona uMengameli osesihlalweni.Kule ngqungquthela i-IFPYB ibibhunga kabanzi ngeqhaza lentsha emnothweni wakuleli kanye nakuHulumeni woBambiswano.

UMengameli we-IFP uthi uma intsha ilibele utshwala iyophaphama izwe seliphethwe abokufika kuleli abangaphuzi

&nbsp;Lubhalwe nguCelani SikhakhaneUmndeni weGcokama eLisha uthi sekuyacaca ukuthi imbangi yakhe uChris Brown njengoba abantu belokhu bebaqhathanisa ezinkundleni zokuxhumana.Lokhu kuvele ngemuva kokuthi abalandeli bezimbangi zikaMthandeni Manqele emculweni kuthe uma bechazwa ukudlala komculi ongaconsi phansi waseMelika uChris Brown enkundleni yemidlalo iFNB, baqala bakhomba iGcokama ukuthi ukube bekuyilo belingeke likwazi ukudlala njengaye.Abanye bebeze baqhathanise ukundiza emoyeni kukaChris Brown enandisa endiza phezu kwezihlwele ngentambo, bethi ukube bekuyiGcokama belizovele liphalaze.UMnuz Lindokuhle Xulu obekhulumela &nbsp;lo mndeni uthe empeleni lokhu kukhombisa ngokusobala ukuthi ukufika kwenkakha yomculo waseMelika kuleli, abantu babone kufanele bayiqhathanise neGcokama ekubeni bebangaka abaculi eNingizimu Afrika."Lokhu kufakazela inkulumo yeGcokama ukuthi yena akasekho umculi asengaqhathaniswa noma abange naye kuleli. Nabuke ubufakazi obokuthi imbangi yeGcokama yangempela uChris Brown waseMelika. Okunye ukuthi iGcokama alisafanele ngempela ulibeke ezingeni loMaskandi ngoba selingene kule ndima ladlisela ogageni abaculi abangabeminye imikhakha. Lokhu-ke sekwedlulele ngoba selinikwe uChris Brown njengembangi yakhe nokusho ukukhuphuka kwezinga lakhe emculweni emhlabeni jikelele," kusho uXulu.UXulu ubuye wathi iGcokama lisamehlula uChris Brown ngoba akakaze ahlanganise abantu abangu-50 000 egcekeni kubo bezolalela mculo wakhe kodwa iGcokama selikwenzile ngesikhathi likhiphe ingoma i-Paris.Uqhube wathi isasasa elikhonjiswa abantu ngeGcokama noChris Brown lithonye inselelo kaNgqongqoshe wezobuCiko namaSiko kuleli uMnuz Gayton Mckenzie ukuba abahlanganise laba baculi ukuba bashiyelane inkundla ndawonye phambi kwezihlwele nokungenzeka ngaphansi kohlelo olubizwa nge-Cultural Diplomacy.

Abomndeni weGcokama bathi oMaskandi abavele bathule ngoba sekunguChris Brown waseMelika oseyimbangi kaMthandeni Manqele

Lubhalwe nguDylan BettencourtUhulumeni welule umnqamulajuqu wokuthi abanikazi bezipaza babhalise kube kusaphenywa ngokudla okunoshevu osekubulale inqwaba yabantu iningi labo okuyizingane.<ul><li dir="ltr">Uhulumeni welula umnqamulajuqu wokubhaliswa kwezipaza kwaba ngoNhlolanja 2025 ngemuva kokuba abanikazi abaningi bezabalaze ukuhlangabezana nomnqamulajuqu wokuqala.</li><li dir="ltr">Ushevu oyingozi wamagundane otholwe kwezinye izitolo usubulale abantu abangu-41 okubalwa nezingane ezingu-38 njengoba amaphoyisa ephenya ngokushushumbiswa.</li></ul>Abanikazi bezipaza banikezwe ezinye izinyanga ezimbili ukuthi babhalise ngendlela efanele.Umnqamulajuqu wokuqala uphele ngoLwesibili. Manje banesikhathi kuze kube umhlaka-28 kuNhlolanja 2025 ukubhalisa amabhizinisi abo ngemuva kokuthi uhulumeni elule umnqamulajuqu.UNgqongqoshe we-CoGTA, uMnuz Velenkosini Hlabisa, esithangamini nabezindaba uthe abanikazi bezitolo abaningi bahlangabezane nezinkinga bezama ukubhalisa zingakapheli izinsuku ezingu-21.“Siyazi ukuthi kunabathile abahlangabezana nezingqinamba ezinzima abangakwazi ukuzibalekela ezibavimbayo ukuthi bahambisane nesikhathi sokubhalisa sezinsuku ezingu-21. Ngakho-ke, sithanda ukuthatha leli thuba ukubonga bonke abazinike isikhathi sokubhalisa amabhizinisi abo," kusho uHlabisa.Ngisho nezitolo ezibhalisile zisadinga ukuthola amalayisensi okuhweba ngemuva kokuba abahloli bezempilo bebheke izindawo zabo. Zingaphezu kuka-1 000 izipaza esezivaliwe ngenxa yokwephula imithetho yezempilo."Uma ungahambisani nemithetho yezempilo ibhizinisi liyavalwa ngokushesha. Yingakho sezivaliwe izipaza ezingu-1 041," esho.Lo mkhankaso uza ngemuva kokuba amaphoyisa eveza ukuthi bangu-41 abantu asebebulawe ukudla okunoshevu eNingizimu Afrika yonkana. IPhini likaKhomishana wamaPhoyisa, uTebello Mosikili, uthe iningi labagilwa bekuyizingane."Siphenya amacala angu-32 kuze kube yimanje lapho kushone khona abantu abangu-41, abangu-38 kubo yizingane kanti abathathu ngabantu abadala. Mayelana namacala akamuva afikele kwithimba, bekungakaboshwa muntu," esho.UNgqongqoshe wezeMpilo u-Aaron Motsoaledi uthe bathole ushevu oyingozi wamagundane obizwa nge-Terbufos kwezinye izitolo. Bacabanga ukuthi ushushumbiswa echwebeni laseThekwini.Ezinkampanini ezinhlanu ezikhiqiza le-organophosphate ebizwa nge-Terbufos abayihlolile baphethe ngokuthi kungenzeka ukuthi iphuma emazweni angaphandle ngoba ayifani naleyo ekhiqizwa yizinkampani ezinhlanu,” usho kanje.“Kuningi okwenziwayo nokusebenza [echwebeni laseThekwini] ngisho nemisebenzi emelene nezobunhloli echwebeni lapho sikholelwa ukuthi la makhemikhali aqhamuka khona. Manje kufanele sihlole ukuze siqinisekise ukuthi kuyini ngempela."Esithombeni esingenhla: Isipaza.&nbsp;Umthombo: Ifayela

Uhulumeni welula umnqamulajuqu wokubhaliswa kwezipaza

Lubhalwe nguDylan Bettencourt&nbsp;<a href="https://x.com/ScrollaAfrica/status/1869299552689459563">https://x.com/ScrollaAfrica/status/1869299552689459563</a>&nbsp;&nbsp;Umgqugquzeli odumile ezinkundleni zokuxhumana uCyan Boujee usesibhedlela ngemuva kwezinsolo zokushaywa njengoba uhulumeni ejaha ukuvula kabusha inombolo yosizo ngodlame lobulili.&nbsp;● U-DJ odumile uveze ubuso nomzimba olimele kuvidiyo ngemuva kwezinsolo zokuthi ushaywe isoka lakhe.&nbsp;● Livulelwe icala isoka elingashiwongo igama njengoba ucingo losizo lodlame lobulili luvulelwa kabusha abagilwa.&nbsp;&nbsp;&nbsp;Isihlabani sezinkundla zokuxhumana uCyan Boujee singene esibhedlela kulandela ukushaywa yisoka laso.&nbsp;Lo DJ wodumo, ogama lakhe langempela nguHonor Zuma, ufake ividiyo ebiveza ubuso nomzimba wakhe olimele futhi evuvukele.&nbsp;UCyan ungumshana oyintandokazi kalowo owayengumengameli wezwe uJacob Zuma.&nbsp;Ungene esibhedlela ngemuva kokuhlaselwa kanti usevulele isoka lakhe icala elingakadalulwa igama lalo.&nbsp;Umgqugquzeli wabelane ngemininingwane yokuhlaselwa ku-vlog yakhe abephatheke kabi kuyo lapho eveze khona imihuzuko eminingi emzimbeni wakhe.&nbsp;Kwesinye isigameko esishaqisayo, uthisha waseKZN ubulale owayeyintombi yakhe wabe esefaka ividiyo evuma icala ngaphambi kokuzibulala.&nbsp;USibusiso Lawrence Nkaba ubulale uNontobeko Cele, (25), eMalangeni, eMzinto ngoLwesibili. Kamuva wazibulala eduze kwendawo yobugebengu.&nbsp;Ngaphambi kokushona kwakhe, uNkaba ufake ividiyo emangazayo ezama ukuchaza ngecala lokubulala alenzile. Uthe uCele wamvalela ngaphandle ngemuva kokumsiza ukuthi athole imali ye-Road Accident Fund.&nbsp;UNgqongqoshe wamaPhoyisa, uSenzo Mchunu, ukubize lokhu kubulala “njengokukhaphela ubuntu” waphinde wanxusa ukuthi kuthathwe izinyathelo ngodlame lobulili, impilo yengqondo kanye nokuhlukumeza kwezinkundla zokuxhumana.&nbsp;Njengoba lokhu kuhlasela kube sematheni, uMnyango Wezokuthuthukiswa Komphakathi usuvule kabusha Isikhungo Sawo Sokulawula Udlame Olusekelwe Ngobulili ngemva kokushintshela kumhlinzeki wezinsiza omusha.&nbsp;Inombolo yosizo yamahora angu-24 inikeza ukwelulekwa nokusekelwa okuvela kosonhlalakahle abaqeqeshiwe. Iqale ukusebenza mhlaka-18 kuZibandlela kodwa okwamanje ungashiya umyalezo kuphela ku-0800 428 428.&nbsp;Lesi sikhungo sizokwengeza i-SMS, u-Please Call Me, i-web kanye nezinsiza ze-WhatsApp ekuqaleni kuka-2025. Sifuna nemvume yokulandelela izindawo zabagilwa ukuze sibasize ngokushesha.&nbsp;Okhulumela uMnyango, uNksz Lumka Oliphant, uthe kudingeke ukuthi bavule kabusha isikhungo ngokushesha ngenxa yodlame oluqhubekayo.&nbsp;Yize lehle ngo-5.8% izinga lokubulala, izigameko zodlame olubhekiswe kwabesifazane nezingane zinyukile kule kota edlule. Lokhu kungokwezibalo zakamuva zobugebengu ezikhishwe ngamaphoyisa ngoLwezi.&nbsp;UMchunu uthe nakuba amacala abucayi ehlile, bangu-957 abesifazane ababulawa ezinyangeni ezintathu nje kuphela - okunyuke ngo-8.6% uma kuqhathaniswa nonyaka odlule.&nbsp;Esithombeni esingenhla: Umgqugquzeli odumile ezinkundleni zokuxhumana uCyan Boujee uveze ukulimala kwakhe kuvidiyo ethinta inhliziyo.&nbsp;Umthombo: I-Screenshot

UCyan Boujee esibhedlela ngemuva kwezinsolo zokushaywa yisoka

&nbsp;UCelani Sikhakhane ukulethela ezakamuva ezinohlonze ezivela KwaZulu-Natal.EMtubatuba – Amaphoyisa amise itekisi ebithwele abantu bokufika abangu-17 abebeshushumbiswa besuka e-Mozambique beyiswa ezindaweni ezahlukene KwaZulu-Natal. Itekisi imiswe ngesikhathi kunezivimbamgwaqo ku-N2 eMtubatuba enyakatho ekude ne-KZN ngoLwesithathu emkhankasweni ogqugquzelwe nguThembeni kaMadlopha-Mthethwa wesifunda uMkhanyakude; obuye abe nguMphathiswa wezoLimo nokuThuthukiswa kwezindawo zaseMakhaya. Uphenyo lokuqala luveze ukuthi abagibeli, okubalwa nezingane ezimbili, bebesendleleni belibangise KwaDukuza, eMandeni naseThekwini. "Sishaqekile ukuzwa ngetekisi engene ngokungemthetho eNingizimu Afrika. Sikwazile ukuhlonza itekisi yase-Mozambique," kusho uKaMadlopha-Mthethwa. "Ngenhlanhla siyithimba elikhulu lezomthetho elihlanganisa amaphoyisa, izikhulu zomnyango wezasekhaya, ezokuthutha kanye noMnyango wezokuThuthukiswa koMphakathi,".E-Richards Bay – Amalungu oKlebe ophikweni oluphenya ngobugebengu obuhleliwe e-Richards Bay esebenzisana neKing Cetshwayo District Task Team abophe uSipho Shange (34), uSiyabonga Mathaba (30), uNkululeko Khumalo (33), no-Ayanda Bhengu (34), ngokudayisa izidakamizwa. Abasolwa abane baboshwe ngoLwesihlanu ebusuku ngesikhathi kunezivimbamgwaqo ku-N2 ngaseMthunzini Toll Plaza. Ngesikhathi amaphoyisa esemkhankansweni, amise asesha imoto encane ebinabagibeli abane. Amaphoyisa athole isikhwama esimnyama esigaxwayo silengiswe egxalabeni esinamaphilisi e-heroin ne-cocaine abiza u-R200 000. Laba abane baboshelwe amacala okutholakala nokudayisa izidakamizwa. Bavele kafushane eNkantolo yeMantshi yaseMthunzini ngoLwesibili kanti bagcinwe esitokisini. Icala lihlehliselwe umhlaka-27 kuZibandlela.EThekwini – Amaphoyisa kaMasipala weTheku athole imifaniswano ye-SAPS okukholakala ukuthi isetshenziswa ezigamekweni zobugebengu ngesikhathi kugaselwa e-Savannah Park nase-Welbedacht eThekwini. Ezinye izinto ezitholakele kubalwa izibhamu ezimbili zohlobo lwe-9mm, amaphilisi e-heroin nempahla eyebiwe ehlobene nokugetshengwa kwebhizinisi e-Pinetown. Izimpahla ezitholiwe kanye nabasolwa ababoshiwe badluliselwe emaphoyiseni ase-Chatsworth ukuze kuqhutshekwe nophenyo. Uphiko olubambe iqhaza kulolu hlelo luhlanganisa ithimba le-Durban Metro Police Drug Team, iThekwini Infrastructure Task Team, i-Durban Metro Police Suburbs Team, i-Crime Intelligence kanye ne-Dew Force Security. Lo mkhankaso ugqamisa ukuzibophezela okuqhubekayo kwamaphoyisa kaMasipala ekuqinisekiseni ukuphepha kwemiphakathi kanye nokunqanda ubugebengu eDolobheni lonke.Esithombeni esingenhla: Itekisi eboshwe ku-N2 engene ngokungemthetho nabantu bangaphandle abavela e-Mozambique ababeshushumbiselwa ezindaweni ezahlukene eKZN.Umthombo: Vusi Zuma

Ezifingqiwe zase-KZN: Abantu baseMozambique abebeshushumbiselwa kuleli babanjwe ngamaphoyisa

&nbsp;Lubhalwe nguCelani SikhakhaneINdlovukazi yesizwe sama-Bolabedu e-Limpopo uModjadji wesKhombisa &nbsp;ihlabela phambili nezinhlelo zokugcotshwa kwayo njengoba sekuqokwe usuku lwangonyaka ozayo kuMbasa.Lokhu kwenzeka phezu kokuba kukhona amalungu omndeni azama ukulwisa iNdlovukazi ngoba befuna kungene umfowabo esihlalweni.Ihhovisi leNdlovukazi uModjadji wesKhombisa &nbsp;lidalule ukuthi konke kuhamba ngohlelo kanti osekusele ukuba uNgqongqoshe WezokuBusa nokuBambisana neziNdaba zoMdabu kuleli uMnuz Velenkosini Hlabisa akhiphe isitifiketi sokuhlonza ngokusemthethweni iNdlovukazi ukuthi isisesihlalweni.USolwazi Mathole Motshekga ongumeluleki omkhulu weNdlovukazi uthe ihhovisi layo likushayela ihlombe ukuthi uMengameli wezwe uMnuz Cyril Ramaphosa ayigunyaze ngokusemthethweni ukuthi ibesesihlalweni."INdlovukazi isixhumane ngisho noNdunankulu wase-Limpopo uDkt Poppy Ramathuba osenze izinhlelo zikaHulumeni ukuba zihambisane nosuku lokugcotshwa kwayo iNdlovukazi. Kumanje iNdlovukazi ihlela ukuqoka isigungu somkhandlu esizohola ikomiti lohlelo lokugcotshwa kwayo," kusho uMotshekga.INdlovukazi ingena esihlalweni ebesiphethwe unina okwabe kuyiNdlovukazi uMakobo Modjadji weSithupha.Ukhothame ngo-2005 nokwenze isihlalo sasala dengwane ngoba iNdlovukazi uMasalanabo Modjadji wesiKhombisa ubesemncane kakhulu.UMotshekga uthe izinto eziseqhulwini kuNdlovukazi uMasalanabo ukubumba isizwe njengoba sinezizwana ezahlukene ngaphansi kwaso okubalwa aba-Vhenda, aba-Tsonga nezinye.Uthe okunye ukuba zonke lezi zizwana kungabibikho obukelwa phansi.Okunye ukuthi iNdlovukazi ifuna ukubeka eqhulwini intuthuko yomnotho wezoLimo nezimayini.

INdlovukazi uModjadji ihlabela phambili nezinhlelo zokugcotshwa kwayo yize kukhona abayibangisa esihlalweni

&nbsp;Lubhalwe nguCelani SikhakhaneAmalungu ebhodi leNgonyama Trust agile izimanga ayozethula kwabezindaba ekubeni iSilo uMisuzulu kaZwelithini bengamazisanga njengoba kuthiwa abamufuni.Lokhu bakwenze ngoLwesithathu eMgungundlovu.Ngesikhathi benza lokhu iSilo sona besesiphothule izinhlelo zokuqoka abaphenyi bakwa-Ahmed Gana Attorneys Inc abazophenya leli bhodi ngezinsolo zokulahleka kwemali yezizwe zamakhosi engu-R41 million.Isikhulu seNgonyama Trust okunguMnuz Vela Mngwengwe uthe njengoba bezethula sekuphele unyaka baqokwa yingoba bebematasa bengasitholi isikhathi."Ukucasha kwethu singaveli kwabezindaba kube isimo sokuthi besibanjwa izinto ezithize ebezidinga sizilungise kodwa bekungekhona ukuthi kukhona amahlazo esiwagqibayo," kusho uMngwengwe.Uphinde waveza nokuthi bayaqonda ukuthi kunezinhlelo zokuba ibhodi lihlakazwe ngemuva kokuba iSilo sibhalele uNgqongqoshe wezokuBuyiswa koMhlaba nokuThuthukiswa kweziNdawo zaseMakhaya.Uthe noma kunjalo kodwa abantu abanamandla okuhlakaza ibhodi ikomiti lasePhalamende ababika kulo.ISilo uMisuzulu KaZwelithini nonguSihlalo webhodi ukhala ngokuthi amalungu ebhodi awamhloniphi nhlobo kanti phakathi kwawo kukhona afuna aphume aphele.Phakathi kwawo kukhonjwa ngenjumbane u-Advocate Linda Zama owayephakanyiswe uMntwana wakwaPhindangene ekutheni abenguSihlalo oliBamba nophinde abeyisigagayi sikaKhongolose.Kuthiwa laba iSilo sifuna ukubaphenya izinqa ngokuba abaqondisi beNgonyama Holdings okulahleke kuyo le mali engu-R41 million.NgoLwesithathu bebuzwa ukuthi kungani iSilo singekho njengoSihlalo, bathe yingoba singumuntu ohlale ematasa. Izinsolo zithi abasibikelanga nokuthi bayozethula kwabezindaba.Kuvela nokuthi kukhona amanye amalungu ebhodi athe akuhlanganiswe noma imaphi amaphepha ezitatimende zasebhange kunikezwe iSilo ukuze siyeke ukubajaha ngokunyamalala kwale mali engu-R41 million.

Amalungu ebhodi leNgonyama Trust ashaye iSilo ngesithende  ayozethula kwabezindaba

Lubhalwe ngu-Anita Dangazele&nbsp;Ukwanda kwezigameko zokushona kwabakhwetha&nbsp; e-Eastern Cape uphoqe izikhulu ukuthi zixwayise abazali ngezikole ezingekho emthethweni.&nbsp;<ul><li dir="ltr">Isibalo sabashona ezikoleni zokusoka senyuke sisuka kwabayisishiyagalbili saya kwabayishumi nesikhombisa njengoba iningi lishonela ezikoleni ezingekho emthethweni.</li></ul>&nbsp;<ul><li dir="ltr">Ukuphelelwa amanzi emzimbeni, ukungenwa yizifo kanye nokungayiphuzi imithi yabo ejwayelekile ikona okuyimbangela yokushona.</li></ul>&nbsp;Uhulumeni usekulindele ukubhekana nalesi simo kanye nokuthatha isinqumo esiqinile mayelana nezigameko eziqhubekayo zokushona kwabakhwetha.&nbsp;Lokhu njengoba isibalo sezinsizwa ezishone ezikoleni zokusoka e-Eastern Cape sesiphindeke ngaphezu kokuphindwe kabili ngesonto elilodwa, sikhuphuke safinyelela kwabayishumi nesikhombisa.&nbsp;IPhalamende lithumele ithimba lalo ukuyobheka ukuthi kwenzekani esifundazweni. Usihlalo weCogta Portfolio Committee uZweli Mkhize ufuna kuthathwe izinyathelo ezinqala.&nbsp;"Sidinga ukuthi kugcinwe umthetho ngokugcwele mayelana nokusokwa ngokwendabuko, nokubambisana ngokuphelele nabazali. Lapho kwephulwa khona umthetho, kufanele kuthathwe izinyathelo, ikakhulukazi lapho kunqanyulelwa khona, [futhi abantu] bethola imali ngako,” kusho uMkhize.&nbsp;Ukushona kwabantu abaningi kwenzeke ezindaweni ezimbili -- isifunda i-OR Tambo ne-Alfred Nzo. Ukushona kwabo bekungagwemeka, kusho uMkhize.&nbsp;"Kubukeka sengathi ukuphelelwa amanzi emzimbeni kuyimbangela enkulu yokushona kwabakhwetha e-Eastern Cape. Isizathu sesibili sokufa kwabantu yi-sepsis, isifo esingena egazini, esinganqandeka futhi."&nbsp;Isizathu sesithathu sokufa uthe sibandakanya ukwamukeleka kwemithi yesilungu kubakhwetha. Imithi yesilungu ayivunyelwe ezinkanjini zokusoka. Kodwa wathi, “Onesifo sofuba&nbsp; nonesifo sokuwa, [ngiyabakhuthaza] ukuthi badle imishanguzo yabo.”&nbsp;&nbsp;Okunye ukushona kwabantu kudalwe abahlengikazi bendabuko ababudedengu.&nbsp;Kwesinye isigameko saseTsolo, kushone ithwasa ngemuva kokuba uyise elikhiphe esikoleni esisemthethweni. UNgqongqoshe weCogta e-Eastern Cape uZolile Williams uthe umphumela walesi senzo esixakile kube ukugedla kwamazinyo.&nbsp;“Okubuhlungu ukuthi indodana ishonele esandleni sikayise, leli cala liyaphenywa, Kukhona nophenyo ngokushona kwendodana,” usho kanje.&nbsp;UWilliams uxwayise abazali ngezikole ezingekho emthethweni. "Sekucace bha e-Eastern Cape ukuthi noma yibaphi abazali abahambisa izingane zabo ezikoleni ezingekho emthethweni [kufanele bazi ukuthi] lezo zingane zizoshona," esho.&nbsp;"Sikhathazekile ngokwanda kwesibalo sabantu abashonayo. Iningi labakhwetha ashone esifundeni i-OR Tambo. Iningi lalaba abashonile bashonele ngenxa yezikole ezingekho emthethweni," kusho uWilliams.&nbsp;Esithombeni esingenhla: Amathwasa endabuko yamaXhosa.&nbsp;Umthombo: Facebook

Ukushona kwabakhwetha e-Eastern Cape sekuphindeke kabili ngesonto elilodwa

&nbsp;UCelani Sikhakhane ukulethela ezakamuva ezinohlonze ezivela KwaZulu-Natal.E-Howick – IPhini likaSihlalo we-ANC kanye noNgqongqoshe Wezempilo e-KZN uNomagugu Simelane uhlabe ikhefu ngokuzama ukuchaza ngokuhlulwa kweqembu esifundazweni ngokwenza indumezulu yomshado owubukhazikhazi nekhansela le-ANC eThekwini uSifiso Mngadi. Lo mshado ubuhanjelwe ngomntakabani kwezombusazwe, osomabhizinisi abaphezulu nezikhulu zikahulumeni. UMngadi noSimelane sebeneminyaka embalwa bethandana. Ngo-2020 badala uthuthuva ngeskhathi benza umcimbi wokugubha usuku lokuzalwa ngesikhathi kunomvalelo ezweni. Umcimbi wokugubha usuku lokuzalwa lukaSimelane olwahlelwa nguMngadi lwadala intukuthelo ngemuva kokuputshuka kwevidiyo ezinkundleni zokuxhumana ekhombisa abashadikazi nabangani bedansa ngaphandle kwezifonyo futhi bengaqhelelene nabanye. Umshado wabo obunobukhazikhazi ubuse-Zunguness okuyindawo kanokusho e-Howick ngaphandle kwaseMgungundlovu ngempelasonto.EThekwini - Izibalo zekota yesibili zobugebengu ziveze ukuthi izigameko eziningi zokubulala zenzeka ezindaweni zasemakhaya nasemalokishini. Lezi zindaba zivezwe nguNdunankulu waseKZN uThami Ntuli kanye noKhomishana wamaPhoyisa e-KZN uLieutenant-General Nhlanhla Mkhwanazi ngoLwesibili. Ngesikhathi kwethulwa umbiko, abagilwa abangu-186 bekungabesifazane kanti abangu-77 bekuyizingane. Amalungu amathathu e-SAPS abulawa ngalesi sikhathi; oyedwa wabo wabulawa esemsebenzini, ababili bengekho emsebenzini. Kuvezwe nokuthi amacala angu-202 okubulala ayehleliwe. Lesi sibalo singaphansi kwekota yesibili yango-2023-24, ebesinamacala angu-221. Lezi ziteshi ezilandelayo zibe nesandla ngesibalo esiphezulu samacala okubulala futhi ziphinde zivele eziteshini zikazwelonke ezihamba phambili ngamacala okubulala abikwayo: Inanda, i-Pinetown, i-Mariannhill, i-Mpumalanga/Hammarsdale, iNtuzuma, Umlazi kanye ne-Plessislaer eMgungundlovu.EMgungundlovu - INkantolo eNkulu yaseMgungundlovu igwebe uFano Sibisi (54), iminyaka engu-20 ebhadla ejele ngamacala okugebenga esebenzisa isihluku, amacala amabili okweba, ukutholakala nesibhamu nezinhlamvu okungekho emthethweni. Mhla ziyisishiyagalombili kuNhlolanja 2016, uSibisi nababehamba naye bagebenga unogada owayezofaka imali ku-ATM e-Symons Centre eMgungundlovu. Ezinsukwini eziyisikhombisa kamuva kwaba nomkhankaso ohlanganyelwe eMgungundlovu naseThekwini. USibisi waboshwa kanye nozakwabo nowagcina esephenduke ufakazi wombuso. Ngesikhathi beboshwa kwashaqwa izimoto ezimbili ezebiwe, izibhamu ezintathu nemali engu-R80 000. &nbsp;Esithombeni esingenhla: UNgqongqoshe uNomagugu Simelane nomlingani wakhe ikhansela leTheku uMnuz Sifiso Mngadi babophe ifindo likasofa silahlane emshadweni obuwubukhazikhazi ngempelasonto.Umthombo: Sithunyelwe

Ezifingqiwe zaseKZN: UNgqongqoshe kanye nekhansela le-ANC babophe ifindo likasofa silahlane

&nbsp;Lubhalwe nguCelani SikhakhaneIKumkani yabaThembu izoginqa izinkomo eziyisithupha ukwamukela indodana yayo ebiyosokwa.UMntwana uSinethemba Dalindyebo uyingxenye yezinkulungwane zabafana abebesentabeni abalokhe bamukelwa emakhaya abo njengoba sebephuna ebufaneni bengena ebudodeni.Amalungu omndeni angavumelekile ukukhuluma nabezindaba atshele i-Scrolla.Africa ukuthi umgidi wokwamukela uMntwana uSinethemba uqala ngoLwesithathu bese kuthi omkhulu ubengoLwesihlanu."Ngikhuluma nawe nje sekuqalile kumatasa esigodlweni. Njengoba kungoLwesibili bekutheleke ubuholi bakaKhongolose baseKing Sabatha Dalindyebo buzophekisa iKumkani ngotshwala nokunye. Ziyisithupha izinkomo ezizohlahlwa kulo mcimbi kodwa ezimbili zizohlatshwa ngoLwesithathu," kusho ilungu lomndeni.Kuthiwa iKumkani ifuna ukumemezela ngoLwesihlanu ukuthi isizibeka phansi izintambo ngakho uMntwana uSinethemba nguye osethatha isihlalo.Engxoxweni ebinayo nephephandaba i-Daily Dispatch iveze ukuthi isineminyaka engu-60 ubudala ngakho ayifuni ukufela esihlalweni njengeNdlovukazi yamaNgisi u-Elizabeth wesibili.UMntwana uSinethemba uzalwa uNdlunkulu wesithupha uNokwanda.Ngonyaka owedlule yayithe ifuna ukunikeza isihlalo uNdlunkulu uNokwanda.

IKumkani yabaThembu izoginqa izinkomo eziyisithupha ukwamukela indodana evela entabeni

&nbsp;Lubhalwe nguCelani SikhakhaneIphini likaNobhala Jikelele weqembu uMkhonto weSizwe Party osolwa ngokuphatha kabi amakhosi emgubhweni weMKP obusenkundleni iMoses Mabhida uzame ukuzincengela kuwo kwi-Gala Dinner ewabiza ngezinsika zomhlaba.UNksz Nombuso Mkhize lokhu kugqame ngesikhathi ethula inkulumo yokuvala i-Gala Dinner yeMKP ebise-Olive Convention Centre eThekwini ngoMsombuluko nayethule phakathi kwamabili.Uzwakale esebonga amakhosi ewachaza ngokuthi abaluleke kakhulu eqenjini ngoba ayizinsika nomgogodla womhlaba wesizwe."Siyabonga kubaholi bethu beNdabuko okungamakhosi angumgogodla womhlaba wesizwe. Sibonga nakubelaphi okuyizinyanga nezangoma ukuthi babeyingxenye yalo mcimbi weMKP obaluleke kangaka," kusho uNksz Mkhize.UNksz Mkhize usezifakele isigcwagcwa ngaphakathi eqenjini njengoba iNjeje yabeNguni ithe amakhosi adube ngisho i-Gala Dinner ngenxa yokuhlukunyezwa nguye nokuwaphathisa okweziboshwa.Ngisho uphiko lwabesifazane beMKP luthi luyambonga ngokungakwazi ukuhlonipha izinhlaka zeqembu.Kulo mbuthano wesidlo santambama umholi weMKP okunguMnuz Jacob Zuma uthe kuyamjabulisa ukuthi iqembu libe nomcimbi oyimpumelelo yize lingenamali.Uthe libavale imilomo nalabo ababethi liwumlilo wamaphepha futhi kuyoshaya ukhetho obelungoNhlaba eseshonile.

Umholi woMkhonto osezifakele isigcwagcwa uzame ukuzincengela emakhosini

&nbsp;Lubhalwe nguCelani SikhakhaneKuphithene amakhanda kubaholi boMkhonto weSizwe Party ngenxa yemali ekhishwa eSishayamthetho okuthiwa bekufanele ikhokhele amahhovisi eqembu okungawamalungu eSishayamthetho saKwaZulu-Natal.Le mali kuthiwa ingu-R56 million futhi kosolwa uMnuz Thobani Zuma noDkt Kwazi Mbanjwa ngokugweva nale mali okuthiwa ngisho uZuma uma ebafonela abasazibambi izingcingo zabo ngoba efuna ukuzwa ukuthi kwenzakalani ngayo.Kuthiwa kwenzeka lokhu nje amahhovisi eqembu okufanele engabe akhokhelwa ngale mali akukaze kuphume ngisho isenti futhi akukaze kuqashwe ngisho abasebenzi.Imithombo emibili ye-Scrolla.Africa iveze ukuthi okubuhlungu ukuthi le mali ibingasiza ngisho esikweletini semali engu-R30 million semikhankaso yokhetho obelungomhlaka-29 kuNhlaba."Ngisho le mali engu-R11 million okuthiwa ilahlekile siyasola ukuthi ithathwe kuyo le mali. UMbanjwa noZuma kuyadingeka basichazela ngoba lento ibheca iqembu njengombutho ogcwele amasela," kusho umthombo.Omunye umthombo uthe uZuma ubikelwe ngalolu daba."Kuthe uma uMengameli ezama ukuthinta uThobani Zuma ukuze athole incazela waluvala ucingo lwakhe. Lento ubaba isimuhlukumeze kakhulu," kusho uMthombo wesibili.UMnuz Thobani Zuma ethintwa i-Scrolla.Africa uvele wahleka wathi akafuni nokuphawula ngoba akavumelekile ukukhuluma nabezindaba.UDkt Kwazi Mbanjwa yena uthe kuyazicacela ukuthi amanga lawa ngoba akekho umuntu ongavala inombolo kaMengameli uma emufonela."Ngizocela ukuba uthinte umhlonishwa uWillies Mchunu okunguye ongachaza kangcono ngalolu daba," kusho uMbanjwa.UMnuz Willies Mchunu utshele i-Scrolla.Africa ukuthi yena akaphilile ngakho udaba lwabaholi abaseSishayamthetho ubengakahlangani nabo."Besihlele ukuthi sihlangane ngemuva kwalo mcimbi njengoba isonto liqala. Kodwa impilo yami ayikho kahle. Unenhlanhla ukuthi ungitholile ngenxa yokuthi ngilindele abantu abazongibona. Ngikhuluma nawe nje ngilele embhedeni ngoba angiphilile. Yingakho sigcine sikuhlehlisa ukuba nalo mhlangano kuleli sonto. Sesihlele ukuthi ubengenyanga ezayo," kusho uMchunu.

Kukhalwa ngabaholi boMkhonto abasolwa ngokugweva nemali engu-R56 million weqembu eSishayamthetho

&nbsp;Lubhalwe nguCelani SikhakhaneUNdunankulu waKwaZulu-Natal uthi usuku lokuBuyisana lwangomhlaka-16 kuZibandlela luyisidingo sokupholisa amanxeba ngenxa yomlando owenzeka.UMnuz Thami Ntuli ubekhuluma eShowe ngoMsombuluko lapho ebechaza khona usuku lokuBuyisana olwalaziwa ngokuthi olweSilo iDingane lwempi yaseNcome lapho amaBhunu anqoba khona uZulu kuvikelwa umhlaba ngonyaka ka-1838.Kulolu suku olwaguqulwa uMengameli uNelson Mandela ngo-1995, amabutho kaZulu angu-30 000 ahlulwa amabutho ka-Andries Pretorius nokwathi kuleyo mpi eyayiseNcome, eNquthu umfula waseNcome waphenduka igazi ngenxa yamabutho angu-3000 abulawa ephoseka emanzini."Lesi siqubulo sibaluleke kakhulu kulesi sifundazwe njengoba sibe nezigameko eziningi ezidlule nemiphefumulo ngenxa yokungaboni ngaso linye komphakathi. Singabala isigameko saseHlokozi lapho kwaqothwa khona amalungu omndeni wakaNkambule nesaseMangweni eMtsheni lapho kwabulawa khona abantu abayisihlanu ababehambele umcimbi wesintu emzini wakwaMazibuko," kusho uNtuli.Uqhube wathi ngaphandle kwalezi zigameko ezimbili ezihlanganisa nempi yezepolitiki eyachitha igazi kubhekwe ku-1994, ziningi ezinye ezenzekile ezinyantisa igazi kulesi sifundazwe.Uthe iKZN isifundazwe esidume ngokuhlonishwa umhlaba wonke ngokuba yisifundazwe esaxazulula ukubhekana ngeziqu zamehlo kodlame lwepolitiki okwenzeka eminyakeni eminingana eyedlule – ikakhulukazi phakathi kuka-1980 kuya ku-1993."Siyakudinga ukubuyisana ukuze lezi zigameko ziphele nya. Ngihlala ngisho ukuthi ukubulalana kakusona isixazululo. Uma singaboni ngaso linye, masikhulume namakhosi nezinduna ukuze asilekelele sixazulule lokho okusenza singaboni ngaso linye. Njengoba kuphela unyaka nje, kukhona abasuka koGoli nakwezinye izindawo ezikude ukuzoxazulula ukungezwani ngezikhali," kusho uNtuli.Uthe makwande ukuthula noxolo, futhi &nbsp;intokozo yabantu ayiphendule usizi nokugedla kwamazinyo.

Uhulumeni waseKZN uthi usuku lukaDingane akube olokubuyisana kwezepolitiki

Lubhalwe ngu-Anita Dangazele&nbsp;Abanikazi bezipaza badonsa kanzima ukubhalisa amabhizinisi abo ngaphambi komnqamulajuqu ngenxa yokushoda kwamaphepha kanye nezidingo ezinzima.&nbsp;<ul><li dir="ltr">Abanikazi bezipaza babhekene nezinselelo zokuhlangabezana nezidingo eziqinile zikahulumeni zokubhalisa amabhizinisi abo ngaphambi komnqamulajuqu wangomhla ziyishumi nesikhombisa kuZibandlela, bekhala ngamaphepha angaphelele kanye nezinkinga zobuzwe.</li></ul>&nbsp;<ul><li dir="ltr">Abagxeki bathi umnqamulajuqu wezinsuku ezingamashumi amabili nanye mfushane kakhulu, futhi zingaphansi kuka-30% izicelo ezigunyazwe ezindaweni ezifana neMpumalanga Kapa ngenxa yokuklanywa kwezindawo kanye nezinkinga zezimvume.</li></ul>&nbsp;Njengoba sekusele isikhathi esingaphansi kwamahora angu-24 ukuhlangabezana nomnqamulajuqu wokubhalisa, abanikazi bezipaza ezweni lonke baphuthuma isikhathi sokubhalisa amabhizinisi abo.Abaningi bathwele kanzima ukuze bahlangabezane nezidingo zikahulumeni njengoba umnqamulajuqu wezinsuku ezingamashumi amabili nanye uphela ngoLwesibili, mhla ziyishumi nesikhombisa kuZibandlela.&nbsp;UMengameli uCyril Ramaphosa unxuse ukuthi kuqiniswe imithetho elawula ngokomthetho kulandela ukushona kwezingane eziningi ezidle ukudla okungoncamnce okungaphephile okudayiswa ngabadayisi abangekho emthethweni.&nbsp;Ukubhaliswa kuhloswe ukusiza uhulumeni aqoqe ulwazi futhi athuthukise amazinga ezempilo nokuphepha.&nbsp;Kodwa-ke, abanikazi bezipaza abaningi abakwazanga ukubhalisa ngenxa yokungapheleli kwamaphepha noma izinkinga zobuzwe.Ekhuluma eGoli ngeSonto, ibamba likaNdunankulu waseGauteng, uLebogang Maile, uthe ezinye izicelo zichithiwe ngenxa yokushoda kwemininingwane. "Ezinye zezinto ezivelile [zihlanganisa] abantu abahambise amaphepha angaphelele, abantu abamele abokufika, kanye nabantu abangenazo izinhlelo zamabhizinisi abo," esho.&nbsp;UMaile uphinde wathi zingu-13 000 izicelo ezifakwe ezikhungweni zokubhalisa ezingu-85 kulo lonke elaseGauteng.E-Eastern Cape, izipaza eziningi zehlulekile ukuhlangabezana nezidingo zokubhalisa. E-Buffalo City, izicelo eziyikhulu kuphela kwezicishe zibe ngu-1,000 eziphasisiwe.&nbsp;Okhulumela umasipala, uSamkelo Ngwenya, uthe iningi lalaba abanqatshiwe bebengabokufika abasebenzisa omazisi bokukhoseliswa, abangenazo izimvume zebhizinisi.&nbsp;Uthe umasipala usebenzisana neminye iminyango kahulumeni ukuthola isisombululo.&nbsp;Empumalanga Kapa, kwezingu-1 627 izipaza ezihlonziwe, zingu-361 kuphela ezifake izicelo zokubhaliswa, kanti zingaphansi kuka-30 ezigunyaziwe.Ukuze babhalise, abanikazi bezitolo kufanele bahlangabezane nemibandela eminingi, njengemithetho yokuklama izindawo, ukulawula izinambuzane, ukukhishwa kukadoti, ukuphepha kokudla kanye nomlilo, nokuba nelayisensi yebhizinisi.&nbsp;Ekhuluma embukisweni weSA Spaza Investment &amp; Trade Expo ngoMgqibelo, umengameli weSA Spaza uBheki Twala uthe umnqamulajuqu wezinsuku ezingamashumi amabili nanye mfushane kakhulu.&nbsp;“Lokhu akukho mayelana nemvume yokuhweba nje kuphela. Udinga imibhalo efana namaphepha okuklama kabusha indawo, ukubhaliswa kwa-SARS, i-akhawunti yasebhange, kanye netayitela. Ngeke ukuthole konke lokho ngezinsuku ezingamashumi amabili nanye,” kusho yena.&nbsp;Umnqamulajuqu wokubhalisa ungehora lesihlanu ntambama ngoLwesibili, mhla ziyishumi nesikhombisa kuZibandlela.&nbsp;Esithombeni esingenhla: Isipaza esiseGqeberha.Umthombo: NMBM

Abanikazi bezipaza balwela ukuhlangabezana nomnqamulajuqu wokubhalisa

Lubhalwe ngu-Anita Dangazele&nbsp;Ingozi eyenzeke phakathi kwe-SUV netekisi ku-N9 ngase-Graaff-Reinet ibulale abantu abangu-14, sekuqalwe uphenyo ngalengozi.&nbsp;Abaholi base-Eastern Cape bazwakalise ukukhathazeka ngokwenyuka kwezinga lokushona kwabantu emigwaqeni, banxusa ukushayela okuphephile, umthetho oqinile, izixazululo okuhloswe ngazi ukugwema izingozi.&nbsp;Kushone abantu abangu-14 engozini enyantisayo phakathi kwe-SUV netekisi eyenzeke ku-N9 ngase-Graaff-Reinet e-Eastern Cape ekuseni ngoMsombuluko.&nbsp;Okhulumela uMnyango wezokuThutha nokuPhepha koMphakathi e-Eastern Cape uMakhaya Komisa uthe le ngozi yenzeke ekuseni.&nbsp;&nbsp;"Kusolakala ukuthi i-Hyundai Creta ibisuka e-Middelburg ilibangise e-Graaff-Reinet, kanti itekisi yona ibheke ngase-Middelburg, ngesikhathi zombili zitholana phezulu," kusho uKomisa.&nbsp;Bonke abagibeli abayisithupha be-Hyundai Creta bashonele endaweni yesigameko, kwathi abagibeli abayisishiyagalombili abebehamba ngetekisi (Toyota Quantum) bashonela esibhedlela.&nbsp;&nbsp;Itekisi ibisuka e-Western Cape ilibangise e-Eastern Cape. Imbangela yengozi ibingakaziwa kanti kusaphenywa.&nbsp;UNgqongqoshe wezokuThutha uXolile Nqatha uthe uhulumeni wesifundazwe ukhathazekile ngokwanda kwezingozi zomgwaqo.&nbsp;&nbsp;“Ngiphatheke kabi ngokudlula emhlabeni kwalaba bagibeli, futhi njengesifundazwe sikhathazeke kakhulu ngokwenyuka kwesibalo sabantu abashona emigwaqeni yethu.&nbsp;&nbsp;“Nginxusa bonke abashayeli ukuthi babekezelelane futhi bashayele ngokucophelela, ikakhulukazi njengoba kulindeleke ukuthi umthamo wezimoto unyuke ngalesi sikhathi sonyaka,” usho kanje.&nbsp;Khonamanjalo, ingozi ye-hit-and-run eyenzeke emgwaqeni u-R102 ngase-Fort Jackson nase-Potsdam e-East London ngeSonto ishiye izinsizwa ezimbili ezineminyaka engu-22 no-23 ubudala zilahlekelwe imiphefumulo.&nbsp;Okhulumela uMnyango wezokuThutha u-Unathi Binqose uthe: “Imoto isuke ngesivinini ngemuva kwesigameko, kushone izinsizwa ezimbili.&nbsp;UKabelo Mogatosi, onguNgqongqoshe Wezemigwaqo Nezokuthutha we-DA, unxuse uhulumeni wase-Eastern Cape ukuthi wenze imigwaqo eyingozi iphephe ikakhulukazi u-N2 ngase-Dutywa, e-Libode, e-Mount Ayliff, kanye no-R61 ngaseMthatha naseMzamba.&nbsp;“Ukuvikela izimpilo zabantu, uhulumeni kumele aqinisekise ukuthi kunomthetho oqinile kule mizila eyingozi. Lokhu kuzokwenqabela ukushayela budedengu futhi kwenze abephula imithetho baphendule. Sidinga izivimbamgwaqo eziqondile kanye nokuhlolwa kwabantu.&nbsp;&nbsp;“Ziningi kakhulu izingozi ezidalwa abashayeli abaphuzile. Ukuqinisa umthetho kungasindisa izimpilo zabantu,” kusho uMogatosi.&nbsp;Esithombeni esingenhla: Itekisi ishayisane ne-Hyundai Creta SUV ku-N9 ngaphandle kwase-Graaff-Reinet ngoMsombuluko ekuseni.&nbsp;Umthombo: EC Department of Transport.&nbsp;

Kushone abantu abangu-14 ku-N9 e-Eastern Cape

Lubhalwe nguCelani Sikhakhane&nbsp;&nbsp;Umanapha inhlamba owayegada owayenguMengameli uJacob Zuma ejele ngenxa yokusolwa ngokubukela phansi amakhosi emcimbini woMkhonto weSizwe Party obuseMoses Mabhida, eThekwini ngeSonto.&nbsp;UNksz Nombuso Mkhize usolwa ngokuthi uphendule amakhosi izinto ezingelutho ewavimba ukuba angene emcimbini nalapho obekuhleli khona uZuma nokuphoqe ukuba amanye agcine eseduba khona umcimbi kanye nesidlo sakusihlwa sangoMsombuluko saleli qembu.&nbsp;Inhlangano yeNdabuko okuyiNjenje yabeNguni idinwe yaveva yacela ukuba uZuma alusukumele lolu daba ngoba amakhosi aweneme neze futhi kuzolimala negama loMkhonto weSizwe Party nenhloso ngqangi yalo ekubuyiseni isithunzi samakhosi kwipolitiki yakuleli.&nbsp;Ngokwesitatimende esisabalele seNjeje yabeNguni siveza ukuthi uNksz Mkhize usesulile emsebenzini waqokelwa ukuba iphini likaNobhala Jikelele weqembu, ubala ukhasha ethi akukho Nkosi enelungelo lokungena lapho obekunobuholi beMKP eMoses Mabhida ngeSonto.&nbsp;UNksz Mkhize waduma ngokuphatha ngendlela enobuntu ejele laseMtshezi uZuma ngesikhathi ayeboshiwe ngo-2021.&nbsp;UMnuz Phumlani Mfeka weNjeje obehola amakhosi ezizwe uthe abafuni ngisho ukukhuluma naye uNksz Mkhize kodwa badinga uZuma alungise indaba yakhe.&nbsp;"Asifuni nokuhlangana naye. Amakhosi amaningi adubile ahamba. Ngisho abelaphi beNdabuko baphendulwe izicelankobe kulowa mbuthano engafuni nokubanika izigqebhezana zokungena ngaphakathi. Kunalokho ubefaka abangani bakhe futhi ubephathisa amakhosi njengeziboshwa. Ukhohliwe ukuthi amakhosi awazona iziboshwa," kusho uMfeka.&nbsp;Uthe sekuyisikhathi sokuba uZuma abhekisise abantu abafaka ezikhundleni eziphezulu ngoba igama leMKP lilimele kakhulu ngokwenzekile.&nbsp;UNksz Mkhize ubuye asolwe nangokuvimba abaholi bophiko lwentsha laleli qembu.&nbsp;Bagcine nabo bekhipha isitatimende bethi bafuna incazelo nokuthi kungani ebabukela phansi.&nbsp;INjeje ithe amakhosi ikakhulukazi abesuka e-North West aphume enxapha ubala ngoba bekungafuneki nokuba ayodla ngenxa kaNksz Mkhize.&nbsp;I-Scrolla.Africa sizamile ukuthinta uNksz Mkhize kodwa akatholakalanga ukuba aziphendulele.

Umanapha inhlamba owayegada uZuma ejele osolwa ngokuvimba amakhosi eMabhida

Lubhalwe ngu-Anita Dangazele&nbsp;IPhini leMeya yaseNelson Mandela Bay libhekene namacala okukhwabanisa emalini engu-R551,586 yemali yezomthetho kanti amaqembu aphikisayo ayehluleka ukumkhipha esikhundleni.&nbsp;●&nbsp;IPhini leMeya yaseNelson Mandela Bay, uGary van Niekerk, uvele enkantolo ngezinsolo zokusebenzisa u-R551,586 ngezindleko zomthetho ezingekho emthethweni.&nbsp;● Amaqembu aphikisayo ayehluleka ukumsusa ngevoti lokungamethembi ngemuva kokuthi usomlomo womkhandlu ephikile ukuthi usitholile isiphakamiso.&nbsp;&nbsp;&nbsp;IPhini leMeya yaseNelson Mandela Bay uGary van Niekerk uphuthume esuka enkantolo waya emhlanganweni womkhandlu ngoLwesine njengoba elwela ukugcina umsebenzi wakhe.&nbsp;UVan Niekerk uvele eNkantolo Yamacala eNkohlakalo nokuKhwabanisa iziMali e-Gqeberha ngamacala okuphula imithetho yezimali zikamasipala kanye nokukhwabanisa ku-inthanethi.&nbsp;Okhulumela oKlebe uLt-Col Avele Fumba uthi uVan Niekerk uboshwe ngemuva kophenyo olunzulu.&nbsp;"Uphenyo lusola ukuthi kwaqokwa umuntu obhekelele ezobumeli. Okuxaka kakhulu ngalokhu ukuthi ngesikhathi kuqashwa umsolwa ubengasiye usomlomo noma ikhansela," kusho uFumba.&nbsp;UVan Niekerk kusolakala ukuthi wasebenzisa u-R551,586 ethenga abameli base-Boqwana Burns Incorporated ngo-2022 ngesikhathi enguSomlomo womkhandlu, nakuba imenenja yedolobha eyayimisiwe uNoxolo Nqwazi yamemezela ukuthi isihlalo sakhe somkhandlu asinamuntu. Kuthiwa ubesebenzisa laba bameli ezingxabanweni zeqembu lakhe.&nbsp;Icala lizoqhubeka mhlaka-15 kuMasingana. UVan Niekerk uthi unethemba lokuthi amacala azohoxiswa uma eseveze uhlangothi lwakhe.&nbsp;Emhlanganweni womkhandlu, umholi we-Good Party uLawrence Troon ubuze ukuthi kungani uVan Niekerk engazange ashenxe eceleni esikhundleni sakhe ngemuva kokuthweswa icala.&nbsp;IMeya uBabalwa Lobishe iphendule yathi: “Mina angizange ngiqashe iPhini leMeya, ngakho anginawoamandla okuthi ngicele iphini leMeya ukuthi lihoxe noma lifake isicelo sokwesula, wumkhandlu omvotele ngakho kumele wona uthathe isinqumo sokuthi kuzokwenzekani."&nbsp;I-Democratic Alliance kanye ne-Good Party bazamile ukususa uVan Niekerk ngevoti lokungamethembi ngomhlaka-8 kuLwezi, kodwa uSomlomo woMkhandlu u-Eugene Johnson uthi akazange asithole isiphakamiso.&nbsp;“Angikaze ngisithole isiphakamiso mayelana nalokhu,” kugcizelela uJohnson yize i-DA ikhombise ubufakazi.&nbsp;Ngemuva kwekhefu lamahora amabili, uJohnson uthe bazosibheka ngonyaka ozayo.&nbsp;Ikhansela le-DA uMorné Steyn, ofake lesi siphakamiso, uthi uJohnson ne-ANC bayamvikela uVan Niekerk.&nbsp;"Ngasihambisa leso siphakamiso, ngisihambisa mina mathupha. Sasayinwa saskenwa futhi samukelwa yihhovisi likaSomlomo kanti futhi omele ihhovisi likaSomlomo waqinisekisa ngakusasa kwi-Herald [iphephandaba] ukuthi sase sifikile; " esho.&nbsp;Esithombeni esingenhla: Iphini lemeya yaseNMBM uGary van Niekerk ehlezi eduze kwemeya ephethe uBabalwa Lobishe kanye noSotswebhu omkhulu uWandisile Jikeka.&nbsp;Umthombo: Anita Dangazele&nbsp;

IPhini leMeya yaseGqeberha libhekene necala lokukhwabanisa uR500k

UCelani Sikhakhane&nbsp;ukulethela ezakamuva ezinohlonze ezivela KwaZulu-Natal.&nbsp;EMtubatuba – I-National Freedom Party isibeke eceleni ipolitiki ngokunikela ngenkunzi emndenini womholi weqembu loMkhonto Wesizwe (MK) ongasekho uCanaan Mdletshe. Ushone engozini yemoto ngeledlule eshayela ehambisa amalungu eqembu abegoduka ephuma ukuyokhankasa eMtubatuba. UMdletshe ushiye ku-NFP ngoNcwaba&nbsp; wajoyina iMK kanti ubehola ezokuxhumana esifundazweni.&nbsp;KwaNongoma – Inkosi uMisuzulu kaZwelithini isibuyise isikhulumi sayo esixoshiwe uMntwana u-Afrika Zulu. ISilo sisayine amaphepha ngoLwesine ekuseni okubuyisela uMntwana u-Afrika emsebenzini wakhe. Kwenzeka lokhu nje kusaqhubeka izinhlelo zokususa uNdunankulu uButhelezi.&nbsp;EShowe – INkantolo ePhakeme yaseMgungundlovu inikeze uSthembiso Nkosinathi Mthimkhulu (38), odilikajele abayisithupha ngokubulala izihlobo eziyisithupha eShowe ngoNhlolanja ka-2021. Wadubula umndeni kamalume wakhe, okuhlanganisa nezingane ezimbili ezineminyaka eyisishiyagalombili kanye neshumi, ekholelwa ukuthi umalume wakhe wathakatha ukubulala esinye isihlobo. Amaphoyisa ambamba e-Greytown ngesikhathi eyobona inyanga.&nbsp;E-Port Shepstone&nbsp;– Oklebe babophe uSayitsheni Ntokozo Mngqithi (34), ngamacala enkohlakalo nakuba evele eboshiwe ngezinsolo zokubulala ingoduso yakhe, uSayitsheni Ntombi Mbanjwa. Usolwa ngokuthatha u-R30 000 kumshayeli weloli eyabandakanyeka engozini eyabulala abantu abayisikhombisa. Kuthiwa uthembise ukufihla ubufakazi uma bemnika u-R60 000.&nbsp;Esithombeni esingenhla: Ubuholi be-National Freedom Party bubeke eceleni ipolitiki banikela ngenkunzi emndenini womholi wesikhashana weMK eKZN uCanaan Mdletshe ngaphambi kwenkonzo yakhe yomngcwabo.&nbsp;Umthombo: MKP

Ezifingqiwe zaseKZN: I-NFP inikele ngenkunzi ukuhlonipha umholi weMK ongasekho uMdletshe

Lubhalwe nguDoreen Mokgolo&nbsp;Ngemuva kweminyaka bengaboni ngaso linye ne-ANC, i-South African Communist Party imemezela izinhlelo zokungenela ukhetho lwasekhaya lwango-2026.&nbsp;●&nbsp;Umholi we-SACP uSolly Mapaila uthi bazongenela ukhetho lwango-2026 ngemuva kweminyaka i-ANC ingabanaki.&nbsp;● Iqembu lisahlangene kumbimbi ne-ANC kodwa lifuna izinguquko endleleni abesebenzisana ngayo.&nbsp;&nbsp;I-ngqungquthela ebizwe esithubeni ye South African Communist Party (SACP) isigunyaze isinqumo sakamuva seqembu sokungenela ukhetho kanye nokuncintisana nabazongenela ukhetho kwi-ANC okhethweni lomasipala oluzayo luka-2026.&nbsp;Kodwa-ke iqembu lithi aliwushiyi umbimbi wayo ne-ANC.&nbsp;UNobhala Jikelele we-SACP uSolly Mapaila utshele izithunywa ukuthi: “Isinqumo sokungenela ukhetho sithathwe i-Congress futhi sesikulungele ukungenela ukhetho.”&nbsp;Ekhuluma e-Boksburg ngoLwesine, uMapaila uthe i-ANC iziba izikhalazo zabo zokuthi kuguqulwe indlela umbimbi osebenza ngayo.&nbsp;"Ekujuleni kwenhliziyo yami ngivuza igazi ngoba ubuthakathaka bobuholi yibo obuholele kulesi simo, ukuzikhukhumeza kwamandla epolitiki, ukuhlukana kwamaqembu kanye nenkohlakalo. Kunezikhathi lapho abaholi abafanele be-SACP beshaywa indiva uma kuqashwa ikakhulukazi ngenxa yokuphuma kuleli qembu," kusho uMapaila.&nbsp;Uthi i-SACP isilahlekelwe yinhlonipho ngoba abantu ibabona bebuthaka. I-ANC ize yavuma ukuhlangana nabo emasontweni amabili edlule ngemuva kweminyaka yezicelo.&nbsp;I-SACP isineminyaka engaphezu kuka-20 icela izinguquko kulolu mbimbi.&nbsp;“Lolu hlelo saluqala engqungqutheleni yango-2002 e-Rustenburg lapho uphiko lwamaKhomanisi lwenza isiphakamiso sokuthi iqembu kumele lingenele ukhetho.&nbsp;“Ngalokho ngo-2017 sathatha isinqumo sokuthi singenele ukhetho lwasekhaya e-Free State kanti ezinye izinhlaka zanquma ukungenela ukhetho oluzimele kodwa zaxoshwa eqenjini lamaKhomanisi,” kusho uMapaila.&nbsp;Ngo-2019, uNobhala Jikelele we-ANC ngaleso sikhathi u-Ace Magashule waxwayisa i-SACP ngemiphumela emibi uma ingenele ukhetho izimele yodwa.&nbsp;I-SACP ngeke ilungenele ukhetho lukazwelonke lwangoNhlaba ngenxa yokusatshiswa kombutho kanye nokusungulwa kweqembu eliphikisayo i-Moonshot Pact.&nbsp;"Kusukela ngonyaka odlule ngoMbasa, sibe nomhlangano emibili ne-ANC emasontweni amabili edlule lapho sabatshela khona iqiniso ngokudalula isinqumo sekomiti elikhulu."&nbsp;Osesithombeni esingenhla: UNobhala Jikelele we-SACP Solly Mapaila.&nbsp;Umthombo: Doreen Mokgolo&nbsp;

I-ANC ‘ebuthakathaka’ iphoqe iSACP ukuthi ivote yodwa okhethweni lwango-2026

Lubhalwe nguCelani Sikhakhane&nbsp;&nbsp;Uhlangabezane nembibizane uMkhuzi wamaPhoyisa KwaZulu-Natal uLieutenant-General Nhlanhla Mkhwanazi ngesikhathi ezama ukuyohlangana nomphakathi wezigodi ezilwayo kwaNongoma njengoba uhlangothi obelumfuna lumshaye ngesithende alwangafika emhlanganweni.&nbsp;&nbsp;UMkhwanazi ubehlele ukuhlangana nomphakathi wakwaMusi ngoLwesine ngehora lesibili kodwa amalungu omphakathi avele athi awalubhadi kulowo mhlangano ngoba awamenywanga ngendlela efanele futhi azizwa engaphephile.&nbsp;Umholi walo mphakathi uNksz Norma Mbatha weZwi Labantu Forum utshele amaphoyisa ukuthi abeneme ngendlela isimemo abasithole ngayo.&nbsp;"Indlela okwenzeka ngayo kukhombisa ukubukela phansi umphakathi wakwaMusi osufelwe inqwaba yabantu kulempi ephakathi kwawo nabasoNyango. Isimemo sisithole kwabezindaba ngakho akekho umuntu ozokwazi ukuba kulowo mhlangano. Esikucelayo ukuthi uMkhuzi wamaPhoyisa KwaZulu-Natal benoNgqongqoshe wamaPhoyisa babize umhlangano ngendlela ukuze bazokhuluma nomphakathi bezwe izikhalo zethu," kusho uNksz Mbatha.&nbsp;Ekuqaleni kwesonto lo mphakathi umashele ekomkhulu lamaphoyisa eZululand ukhala ngokuthi amaphoyisa abukeka echemile futhi kuboshwa uhlangothi lakwaMusi kuphela ekubeni kuyilo olufelwa abantu.&nbsp;Bafuna uMkhuzi wamaPhoyisa eZululand uMajor General Jabu Khumalo akhishwe bese kulandwa obekade ekhona okunguMajor General Thulani Gonya.&nbsp;Bakhala nangokuthi njalo uma bebizwe amaphoyisa emhlanganweni kuvele ngemuva komhlangano kubulawe omunye wabo.&nbsp;Isigodi sakwaMusi nesasoNyango zibhekene ngeziqu zamehlo ngenxa yempi eyaqala ngesikhathi kugwazana abafundi esikoleni Isihlahlasenkosi High naso esesivaliwe ngenxa yokubulalana.&nbsp;Le mpi isichaphakele naseGoli njengoba bephela emahostela abantu inhlamvu.

Uhlangabezane nembibizane uMkhuzi wamaPhoyisa eKZN eyolamula izigodi ezilwayo kwaNongoma 

&nbsp;Lubhalwe nguCelani SikhakhaneUNdunankulu waKwaZulu-Natal uMnuz Thami Ntuli useyichithe ngazozombili eyokungena embangweni wesikhundla sikaMengameli we-IFP njengoba kubhekwe engqungqutheleni yokukhetha ubuholi.UNtuli ukucacise lokhu ngesikhathi ekhuluma &nbsp;esithangamini sabezindaba sobuholi be-IFP esiFundazweni ebesiseThekwini ngoLwesine."Akukaze nangelilodwa ilanga ngithi kunesikhundla engithi ngiyasifuna. Futhi sinaye uMengameli, sinalo nephini likaMengameli kanye noNobhala Jikelele. Ngakho indaba yokuphakanyiswa kwegama lami angazi liphakanyiswa uma kwenzenjani. Empeleni asikho isikhundla engizosingenela," kusho uNtuli.Ukusho lokhu nje ingqungquthela yokukhetha ubuholi bukazwelonke ikhonjwa kunyaka ozayo kanti neyesiFundazwe nayo ibhekwe kuwo unyaka ozayo.Ngakolunye uhlangothi uNtuli ubhekene nengcindezi ebuholini bakhe besifundazwe njengoba kuthiwa iphini leMeya yasoThukela uMnuz Mbuzeleni Mkhize nalo lisibheke ngabomvu isikhundla sokuhola i-IFP eKZN.Ubuholi bukazwelonke kuthiwa ihlandla labo liphele ngoMfumfu kodwa uMgwamanda wanquma ukuba izinyanga zelulwe ukuze kulungiselelwe ingqungquthela kazwelonke ngonyaka ozayo.Ngaphandle kwalokho kuvela ukuthi uMengameli we-IFP uMnuz Velenkosini Hlabisa uke wabhunga noNtuli ecela ukuba bamnikeze elinye ihlandla kuze kube u-2029.Kulesi sithangami ubuholi besifundazwe be-IFP bukubeke kwacaca ukuthi busajabule ngoHulumeni wobumbano ohlanganisa i-IFP, i-DA, i-ANC ne-NFP.Leli qembu liveze ukuthi lo Hulumeni ubuyise ithemba kubantu baseKZN kusuka ekulweni nobugebengu, ukulwa nabokufika abakuleli ngokungemthetho nokuboshwa kwabanikazi bamafemu ababaqashayo.I-IFP eKZN izishaya isifuba ngokunyusa ukwesekwa kwayo ezinkethweni zokuchibiyela eMtubatuba, oPhongolo, e-Newcastle naseNkandla.UNtuli uthe kumanje bavivela ukhetho loHulumeni baseKhaya lwangonyaka ka-2026.Uthe kulolu khetho bazoqhubeka nesiqubulo sabo esithi "Sethembe" nabathi yiso esibenza abantu bayethembe kakhulu i-IFP siphinde sibakhumbuze noMntwana wakwaPhindangene.

Scrolla.Africa isiZulu

I-ANC ilungise ubudlelwano bayo neKumkani inikela ngenkomo emcimbini wokwamukela indodana ezongena esihlalweni

UKhisimusi omuncu emndenini yozamazama base-Stilfontein

Ezifingqiwe zase-KZN: Ukudideka i-IFP ixosha umntwana uZulu esikhundleni sobumeya

UMengameli we-IFP uthi uma intsha ilibele utshwala iyophaphama izwe seliphethwe abokufika kuleli abangaphuzi

Abomndeni weGcokama bathi oMaskandi abavele bathule ngoba sekunguChris Brown waseMelika oseyimbangi kaMthandeni Manqele

Uhulumeni welula umnqamulajuqu wokubhaliswa kwezipaza

UCyan Boujee esibhedlela ngemuva kwezinsolo zokushaywa yisoka

Ezifingqiwe zase-KZN: Abantu baseMozambique abebeshushumbiselwa kuleli babanjwe ngamaphoyisa

INdlovukazi uModjadji ihlabela phambili nezinhlelo zokugcotshwa kwayo yize kukhona abayibangisa esihlalweni

Amalungu ebhodi leNgonyama Trust ashaye iSilo ngesithende ayozethula kwabezindaba

Ukushona kwabakhwetha e-Eastern Cape sekuphindeke kabili ngesonto elilodwa

Ezifingqiwe zaseKZN: UNgqongqoshe kanye nekhansela le-ANC babophe ifindo likasofa silahlane

IKumkani yabaThembu izoginqa izinkomo eziyisithupha ukwamukela indodana evela entabeni

Umholi woMkhonto osezifakele isigcwagcwa uzame ukuzincengela emakhosini

Umholi woMkhonto osezifakele isigcwagcwa uzame ukuzincengela emakhosini

Kukhalwa ngabaholi boMkhonto abasolwa ngokugweva nemali engu-R56 million weqembu eSishayamthetho

Uhulumeni waseKZN uthi usuku lukaDingane akube olokubuyisana kwezepolitiki

Abanikazi bezipaza balwela ukuhlangabezana nomnqamulajuqu wokubhalisa

Kushone abantu abangu-14 ku-N9 e-Eastern Cape

Umanapha inhlamba owayegada uZuma ejele osolwa ngokuvimba amakhosi eMabhida

IPhini leMeya yaseGqeberha libhekene necala lokukhwabanisa uR500k

Ezifingqiwe zaseKZN: I-NFP inikele ngenkunzi ukuhlonipha umholi weMK ongasekho uMdletshe

I-ANC ‘ebuthakathaka’ iphoqe iSACP ukuthi ivote yodwa okhethweni lwango-2026

Uhlangabezane nembibizane uMkhuzi wamaPhoyisa eKZN eyolamula izigodi ezilwayo kwaNongoma

UNtuli akayingeni eyesikhundla sikaMengameli we-IFP